- 10 -

1249. März 15. (Breslau.)

Vincentius, Abt des Augustiner-Chorherrenstifts zu Breslau, verzichtet auf alle Ansprüche an das Kloster Kamenz.

Universis presentes litteras inspecturis frater Vincentius beate Marie in Wratislavia dictus abbas totusque eiusdem loci conventus salutem in domino. Noverit universitas vestra, quod, cum venerabilis pater, T(homas). dei gracia Wratislaviensis episcopus promisisset ad preces et monitiones venerabilis viri Iacobi Leodiensis archidiaconi domini pape capellani ac eiusdem in Polonia, Pruscia et Pomerania vices gerentis, se assignaturum nobis decimas ad largum valorem septem marcharum in recompensatione tocius iuris, si quid habebamus vel habere quocunque modo poteramus in domo de Camenez, idem episcopus ad iteratas monitiones et preces archidiaconi supradicti in tantum nobis dictas decimas largiter assignavit, quod eas in villa Petri filii Stossonis super fluvium, qui vocatur Wech, Wratislaviensis dyocesis nobis assignavit ad valorem decem marcharum singulis annis in argento ibidem in perpetuum a nobis et successoribus nostris percipiendarum infra festum sancti Andree libere et quiete. Et nos istam assignationem gratam et ratam habemus, approbamus et acceptamus et recognoscimus, quod prefatus dominus episcopus super dicta assignatione, ut predictum est, nobis facta nobis litteras suas et litteras capituli sui dedit et nos iuravimus in presencia domini episcopi et archidiaconi predictorum, quod . . ab­batem et conventum Cisterciensis ordinis, quos in eodem loco de Camenez dictus archidiaconus restituit, arbitrando de cetero super dicta domo de Camenez vel pertinentiis ad eandem non inquietabimus per nos vel per alium tacite vel expresse publice vel oculte et quod arbitrium dicti archidiaconi super dicta domo de Camenez prolatum, sicut sigillo suo est sigillatum, in perpetuum inviolabiliter servabimus nec contra illud aliqualiter veniemus. In cuius rei testimonium et munimen presentes litteras sigillis nostris et sigillo dicti archidiaconi fecimus sigillari. Actum anno domini M°. CC°. XL°. nono feria secunda post dominicam, qua cantatur Letare Ierusalem.

Or. Perg. Das S. des Legaten Jacob (in rothem Wachs) an rothseidenen, die Siegel des Abtes und des Conventes des Breslauer Sandstiftes an gelb- resp. grünseidenen Fäden. Schultz S. 12 oben und S. 13. Regesten No. 694. Abgedr. bei Stenzel, Gründungsbuch Heinrichau, S. 155; in deutscher, undatierter Uebersetzung bei Frömrich, S. 18 ff.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.